مقناص ادراة المنتدى الى دولة افريقية في 23 / 2 / 1430هـ

[فارس نجد]

الحمد الله رب العالمين والصلاة والسلام على نبينا محمد وعلى آله وصحبه أجمعين

اما بعد

اخوني الاعزاء احييكم بتحية الاسلام السلام عليكم ورحمة الله وبركاته

هذا تقرير مفصل عن رحلة ادارة المنتدى الى دولة افريقية وكانت بداية الرحلة في يوم الاربعاء الموافق 23 / 2 / 1430 هـ واستمرت الرحلة لمدة اسبوعين . وقد كان أعضاء الرحلة هم ( صاحب السمو الأمير / خالد ( قناص نجد ) وولد زايد والدهنا والمحترف وفارس نجد وابو مشاري – عضو القنوص في المستقبل ان شاء الله )

صراحة وقبل أن نبدا في سرد التقرير . لا بد من كلمات قليله لكن لها معني في القلب .

كم من شخص يتمنى أن يرفه نفسه ويوسع صدره برحلات الصيد والمقناص والطلعات البرية . وكذلك كم من شخص يتمنى أن يجد الأنسه مع من يحب . فتعرفون ما يدور في رحلات الصيد من امور كثيرة . احيانا الانسان يترك المقناص بسبب عدم وجود من يرافقهم لكي يأنس بهم وبالرحلة . فأقول من هذا المنطلق الحمد الله رب العلمين بأن من الله علينا جميعا . بضم الرجال النشاما لهذه الرحلة مبتدئة بصاحب السمو الأمير / خالد ( قناص نجد ) ومرورا بالاخون كلهم ونهاية بالاخ ابو مشاري . نحمد الله بأن الله جمعنا في رحلة كانت من أجمل الرحلات اللتي مرت علينا جميعا . قلوب صافية مجتمعة على الخير . يحملون بين جنباتهم الايثار الذي قل وندر في هذه الحياة . والله ما اقول هذا الكلام مجاملة بل ما سطروه من افعال تذكر في تاريخ هذه الرحلة . كانت الرحلة جميلة ورائعة بوجودهم .

( فــــكــم هــم رائـــعون )

وننتقل الى تقرير الرحلة .

ابتدأت الرحلة انطلاقا من جدة مرورا باليمن الى الدولة المراد المقناص فيها .

وكان الصيد متنوع بفضل الله عز وجل ( الضبا والنعام والارانب والقطا والكراويين والدجاج الحبشي والقهد والحبرو )

واليكم تفصيل الرحلة :

تجهيز السيارة عند البيت



تحميل الاغراض والعزب في السيارة



شد الطربال والتشييك عليه



تحرك السيارات للعبارة وشحنها



الانتظار في ضيافة الشرف بمطار جدة الدولي



الانتظار بضيافة الشرف في دولة اليمن الشقيقة . انتظار الرحلة



واجهة الفندق اللي سكنا فيه



غرفة النوم في الفندق



في الصبح قمنا بالنزول الى البوفيه المفتوح بالفندق لتناول الافطار وشرب الشاي .



طلعت الصباح من الفندق تمشية في المدينة



موقف الاوتوبيس



سوق الخضار



بكم الكيلو يا ولد خخخخخخخخ



جانب من السوق . والشباب يبحثون عن حلبه شكلهم معزمين .......... خخخخخخخخخخخخ



سياكل صفه للايجار خخخخخخخخخ



شوارع المدينة



وتم زيارة محل خاص بالجلود

[فارس نجد]

وهذا من اجمل ما رأت اعيننا في هذه المدينة الا وهو الجامع الكبير .ولقد قمنا بالصلاة فيه صلاة العصر والظهر .



جلست قهوة بعد العشاء في المطعم



وكانت مدة اقامتنا في هذه المدينة يومين لأستخرج اوراق السياحة . وبعدها انتقلنا الى المدينة البحرية لكي نستلم السيارات

هذا ابو فيصل متجه لكبينة العباره من اجل المقابلة مع قطان السفينة



الاخ عثمان وابو فيصل وفارس نجد في صورةذكرى



وهذه السيارات بعد ما نزلناها من العباره



هذا ولد زايد يشيك على الماء لانطلاق الرحلة



تم التشييك على الماء



وبعد ما جهزنا الاغراض تمشينا في المدينة

وهذه صورة من اعلى الفندق للعاصمة السياحية



جانب آخر من العاصمة



وهذه عادات القهوة عندهم المرأة تجلس على الكرسي وتقوم بالتبخير والضيوف جلوس من حولها لشرب القهوة .



وبعد ما خذينا كم لفه في المدينة مشينا لأرض المقناص وكان التحرك في الليل . واول ما نزلنا من الردميه الا وذيك الارنب بس الشباب مستعجلين يبون يمرحون عشان نبدأ بالرحلة ولما قربنا من المعزاب حصلنا الكراويين ونزلوا عليها الشباب ومسك الدهنا واحد . وخليناه عندنا مربوط تحت شجرة سمر ولما اصبحنا لقينا اثنين معه ورماها ابو سعود ويطرح الاثنين وخليناها فطور اول يوم مع القطا . ولكن للأسف الصور راحت في الممري في جوال احد الشباب لكن الجاي يغني عنها

وهذا اول معزابنا



هذا القطا والحمد الله صدنا منه الكثير . وكل مانصيد نطبخه .



وحركنا الظهر نتمشى . وانقسمنا مجموعتين . ابو سعود والمحترف والدهنا في سيارة وشافو الضبا وطرحوا واحد . والقسم الآخر ولد زايد وابو مشاري وفارس نجد في سيارة وشافوا الحبرو واطرحوه



وتقابلنا . واتفقنا على المعزاب وحنا ماشين الا ونشوف قطيع غزلان يمكن يصل عددها 15 ضبي معها جفار . الشباب قالوا خلنا نصيد ضبي صغير نجرب طعمه . راحوا الشباب وصادوه على مرأى منا رماه ابو سعود وهو يسوق السيارة متعه في الطرد ومتعه في الصيد والمشاهدة .

واترككم مع صور الضبا والحبرو .

ابو سعود ( قناص نجد ) مع الاريل والحبرو الله يوليه العافية والصحة .



فارس نجد وولد زايد مع الصيد



وهذه صورة الشباب مع الحبرو



شوفوا الشحم ما شاء الله هذا وتوه صغير لبون

[فارس نجد]

واتفقنا على ان نفرم الضبي الكبير عشان نصلح منه العشاء كباب .

فارس نجد وابو مشاري جالسين يفرمون اللحم



هكذا يفرم اللحم والله شيء



هذا بعد فرم اللحم كباب على الكيف



هذه صورة كبسة الضبي الصغير من طبخ فارس نجد . ولا هو جاي مثل طبخ الشباب جعلهم يسلمون .



كبسة والشباب يحترونا على الغداء



ولما خيم علينا الليل ابعدنا من الشعيب اللي تغدينا فيه وارتفعنا على مكان رائع جدا وشبينا النار وصلحنا القهوة والشاهي وجلسنا نسولف في العلوم الطيبة . واتقنا يكون عشانا اوصال وكباب . واليكم الصور

هذا قناص نجد على اليسار والمحترف على اليمين جالسين يصلحون أوصال . والله كان طعمها لذيذ جدا الله يوليهم العافية .



وهذا الكباب عشانا في الليل



وهذا خبز جايبينه معنا من السعوديه جالس اخونا الدهنا يسخنه على النار .



جلسة فجرية على الكيف . مع النشاما .



ولا بد للرحلة من وعكات . وهذه وعكة بسيطة مرت علينا في المقناص كم مرة والحمد الله امورنا ماشيه تمام .




شوفوا كيف العود داخل في الكفر .






هذه صورة ضبا ثلاثه من صيد ابو مشاري وابو سعود جعلهم يسلمون .



هذا الدهنا وابو عوض ( سامي العتيبي ) التقينا به وبأخوياه في البر والله ونعم الرجال .



وهذه شبة الضو عصريه والدلال من حولها .




اما هذه الصورة فهي صورة جماعية مع ضبي حي . وماسكينه الشباب ابو سعود وولد زايد جعلهم يسلمون . وعلى فكرة تم فك هذا الضبي في اليوم الثاني حفاظاً على الحياة الفطرية .




وهذا انا فارس نجد يفرم لحم الضبي . الشباب يبون عشاهم كباب .



وهذا العشاء كباب من طبخ فارس نجد وريش من طبخ قناص نجد وكبسة بدجاج الوادي من طبخ ابو نايف العتيبي .

[فارس نجد]

واليكم متعت الطرد ولا هو أي طرد شوفوا واحكموا

النعام

هذه نعامه ترعى ولا فكرت في احد .






طرد نعام بالسيارة


وحنا ما شين بالطريق شفنا قطيع من النعام معها فروخ يصل عددها الى الثلاثين فرخ



وعزموا الشباب يمسكون لهم كم فرخ . وبدأت المطارده تمتعوا بالمشاهدة .

بداية انطلاق المحترف وولد زايد لفروخ النعام



المحترف قرب من الفرخ



الفرخ لف بالمحترف كم لفه شوفوه متحمس



هدى اللعب المحترف ولا شكله تعب



عزم المحترف عليه ما فيه رحمه خخخخخخخخخ



مافيه الا طقه باليد الدعوى ماجات على الكيف



أخيرا انتهت المطاردة بمسك الفرخ . وانا اقول الله يكون بعونه خخخخخخخ



وهذا المحترف وولد زايد كل واحد ماسك له فرخ



الاميرقناص نجد ماسك فروخ نعام



الامير ابو سعود والدهنا معهم فروخ النعام



ولد زايد والمحترف وفارس نجد في صورة ذكرى



هذه نعامة تقول تعال يا فارس نجد . ابي اعرف وشك محتزم به . واقول ترى هذه الشغلات ممنوعه عندنا لا تجيبها مره ثانيه خخخخخخخخخخخ




واليكم صور عشوائية من الرحلة

تم طرح ابن آوى جعل ابو سعود يسلم



وهذا القهد ( يسمونه دجاج الوادي )

[فارس نجد]

منظر رائع جدا من عدسة ولد زايد . الضباء مفليه مع الابل . والدعوى سلام في سلام .




الله يالمحترف ماخذ صورة مع الضبا ليش ما علمتنا





هذا ابو مشاري طول الله في عمره يشير الى الضبا ويقول ترانا الحمد الله صايدين اللي يغدينا ويعشينا ولا نحب الاسراف . وهذا من ثقافة القنوص .





شوفوها في مرح وسرور .






هذا ابو سعود رايح للضباء . والله من الصيد الوثن اللي ما يجفل . تجيه بالسيارة بالرجل ما عليه منك بس ابو سعود يبي يبن لكم ان الصيد في سلام .


وهذه الضبا من قريب




هنا كل يومين او ثلاثة ايام نعبي الماء من هذا البير صراحة ماء حلو .



انظروا الى حياتهم . تهريب الخشب من اجل بناء البيوت لتسترهم . واذا وجدوها منهم صادروا الابل والخشب ويتم سجنهم . الله المستعان .



هذا حالهم الله المستعان . فقر وشدة وحاجة . الله يرفع عنهم الفقر .



رعاة البقر انظرو كيف الابتسامة شعب مبتسم رغم الفقر . اعانهم الله ورفع عنهم الشدة .




أجواء ومناظر جميله نحمد الله على نعمه الظاهرة والباطنة .










الرحلة ما شاء الله اكتملت بالنشاما وكملناها بحليب الابل .



صورة جماعية لبو مشاري والمحترف وولد زايد وفارس نجد مع ضبيين من صيد المحترف وولد زايد جعلهم يسلمون .

[فارس نجد]

تدرون ليش رفعنا الصيد على شجر السمر ؟؟؟؟؟ عشان الضباع ما تخليها في حالها . مع ان الشباب ما يقصرون يا ويلهم عليها .



وهنا نذكر لكم أنه يوجد في هذه الرحلة المتعة والوناسة منها مسك الضبا في الليل حيه ومسك الارانب . وهنا صور فك الارانب حفاظا على اليئة وكذلك حمد لله عز وجل على نعمه ونحن لاحاجة لنا بها الصيد كثير ووفير .

وهذه الارانب بين يدين الدهنا والمحترف




وهذا ابو سعود يطلق سراحها لتتمتع بالحياة فنسأل الله له التوفيق والسداد

هاهي الارنب بين يديه رافعها للاطلاق



وهاهي لامسة الارض



وهاهي منطلقة الى بر الامان




مشكور يا راعي الطيب مشكور وسلم الله يمينك يا بو سعود

وهنا نضع لكم وجبات الرحلة ما شاء الله على جميع أعضاء الرحلة كل منهم ابدع في الطبخ الله يوليهم العافية .

هذا ابو سعود يصلح مقلقل . جعله يسلم . مبدع في الطبخ الله يسلم يديه ويوليه العافية



بعد ما استوى المقلقل شي خيال



كبسة من طبخ الدهنا الله يوفقه لكل خير طبخ ولا في الخيال .



وهذا ولد زايد مصلح لنا حاجه بتشوفوها .



بدأ الظهور وش رايكم



عرفتوا الحين الطبخة أرنب مله . صراحة شيء يا ولد زايد الله يسلم يدينك الحلوة


نجي للمختص في القرص . المحترف صراحة مبدع فيه الله يجزاه خير ويسلمه من كل شر .



وهذا طبخ مشترك مكرونيا من طبخ فارس نجد ومرق من طبخ الدهنا الله يوفقه لكل خير ويسلم يدينه .




وهذه كبسة من طبخ ابو مشاري صراحة لذاذة في الطعم الله يارب يوفقه ويحفظه



وهنا في هذه الرحلة نوعنا الطبخ والحمد الله ما خلينا طبخة الا سويناها وكله بتعاون الشباب . وهذه طبخة معروفه الحنيذ . المحترف ابى الا ان يصلحها . وصراحة طبخ رائع من انسان رائع



كبسة الحنيذ شي خيااااااااااال .



المحترف على اسمه محترف



وااااااااااااااو يا عيني على الابداع في الطبخ

[فارس نجد]

تعال يالمحترف وش هالطبخ والابداع يا عيني عليك ما شاء الله .



طبخنا اكثره بر هو العافية بعد الله عز وجل .



فطور ولا احلى منه .



شوي الكبد والكلاوي



تعرفون لا بد لكل بداية نهايه فهنا نبدأ بالرحيل

تركيب العزبة استعدادا للرحيل







اعضاء الرحلة يودعونكم الى رحلة اخرى قادمة ان شاء الله .



وبعد هذا كله يحز في خاطرنا في تلك الايام بالعودة ونحن نعرف انه لا بد من الرجوع . وان شاء الله نعود هذه الرحلة مرة اخرى ونحن باحسن صحة وعافية .

وفي الاخير أتمنى ان التقرير اعجبكم ونال رضاكم

أخوكم ومحبكم فارس نجد

[قنـــــ(نـجـد)ـــــاص]

بيض الله وجهك وسلمك الله يابويحي علي التقرير

رائع جداً كاني جال اتفرج علي الاحداث مباشره عز الله انك كفييييت ووفيييييت

وتسلم تحياتي للجميع

وعز الله انه صدق بالرفقه الي اخوتهم نوماس وتجيب العافيه

[الهواوي]

تستاهل الفنجال يا شبل الاشراف
من هيل صنعا في يمينك نكيله

حلياك حر موكره راس مشراف
اخذت من شقر الحرار الفصيلة

والناس تحكمها تقاليد واعراف
والمدح ينومس بالرجال النبيله

[المحترف]

تسلم يمينك يابو يحيا على التقرير الاكثر من رائع عيشتنا جو الرحلة مرة اخرى
كانت رحلة لا تنسى مع اخوة رااااااااااااااااااااائعون